Dhibaatada Ay Leedahay Cunto La’aanta Subaxdii

Dhibaatada Ay Leedahay Cunto La’aanta Subaxdii

1. Hordhac:

Quraacda subaxdii waa cunto aad muhiim u ah, waxayna saameyn toos ah ku leedahay firfircoonida maalinta oo dhan. Dad badan ayaa iska dhaafa quraacda sababo la xiriira deg-deg ama caado ahaan, balse taasi waxay keeni kartaa dhibaatooyin caafimaad.

2. Maxay muhiim u tahay cunista subaxdii?

Quraacdu waxay siisaa jirka tamar uu ku bilaabo maalinta. Waxay sidoo kale caawisaa xasilinta sonkorta dhiigga, yareynta gaajada xad-dhaafka ah iyo hagaajinta dareenka iyo feejignaanta.

3. Dhibaatooyinka ka dhasha marka la seego quraacda:

●Daal iyo tamar la’aan

●Gaajo joogto ah iyo cunid xad-dhaaf ah duhurkii

●Miisaanka oo kordha

●Xusuusta iyo feejignaanta oo hoos u dhacda

●Dulqaad darro iyo xanaaq

4. Maxaa la cuni karaa subaxdii si caafimaad leh?

1-Ukun la kariyay

2-Muus ama miro kale

3-Caano ama yogurt

4-Rooti qamadiga dhan ah

Shaah khafiif ah ama biyo kulul

Quraacda caafimaad leh uma baahna inay noqoto mid qaali ah — waxay u baahan tahay qorshe yar oo joogto ah.

5. Gabagabo:

Cunto la’aanta subaxdii waxay jidhka gelisaa xaalad culus. Si aad u noqoto qof firfircoon, caafimaad qaba, maskax furan leh — ha iska dhaafin quraacda. 

                                                DHAMAAD 

                         W/Q Hoshow Gulled